త్యాగరాజ స్వామిని మర్చిపోతున్నాం....

ఏటా శ్రీ త్యాగరాజ స్వామి వర్థంతి రోజున ఆయన సమాధి చెందిన తిరువయ్యూరులో ఆరాధనోత్సవాలు జరుగుతాయని తెలిసిందే. ఈ జనవరి 17న తిరువయ్యూరులో ఆరాధనోత్సవాలు జరుగుతున్నాయి. అందుకే త్యాగరాజ స్వామి వారికి మా ఆద్య మీడియా తరపున సంగీత నివాళి. త్యాగరాజ స్వామికి ఎంతో ఇష్టమైన కీర్తనల్లో ఒకటి బంటురీతి కొలువు. మా సంగీత దర్శకుడు మేఘ శ్యామ్... ఈ కీర్తనను గిటార్ పై పలికించారు. గిటార్ పై ఈ స్వరాలు పలికించడం చాలా కష్టమైన ప్రక్రియ. త్యాగరాజ స్వామి... తెలుగువారు. ఆయన కీర్తనల్లో స్వచ్ఛమైన తెలుగు గుబాళిస్తుంది. అయినా... తమిళనాటే వారి కీర్తనలు ఎక్కువ వినిపిస్తాయి. మన తెలుగువారైన త్యాగరాజు కీర్తనలు మన ఇళ్లల్లో సుస్వరాల జల్లు నింపాలని ఆశిస్తున్నాం. ఈ కీర్తనలో త్యాగరాజు... తనకు కామ,క్రోధ మదాదులను కొనగోటితో సంహరించగల బంటురీతి కొలువు (సైనికుడు లాంటి ఉద్యోగం) ఇమ్మని రాముడిని ప్రార్థించాడు.