అందరికీ ఇదే ఆహ్వానం

నిన్నటి దారులకు రేపటి వంతెన వేశా

 నేడనే నీడతో బంధాలు పెనవేసి దారి చేశా

ఆశలతో ఊసులాడుతూ ప్రయాణిస్తున్నా

కనులు దాటి వస్తున్న కలలతో పరిగెడుతున్నా

సింధువులో బిందువెలెన్నో ముత్యాలై

నా దారిలో చేరి సుగంధ కుసుమాలై

రెక్కల సవ్వడి చేసుకుంటూ తుమ్మెదలై

నా జీవన పయనంలో వర్ణచిత్రమై కదిలాయి

అత్యాశా వాదినని నన్ను నిందించినా

ఊహాలోక విహారి అని విమర్శించినా

గమ్యం లేని సంచారివని నవ్వుకున్నా

ఆశను బతికించే వైద్యుడనని గర్విస్తున్నా

కథలా కదిలే నా జీవితంలో మలుపులు

సప్తసముద్రల కూడలిలా ఒంపులు

స్వప్నాల దీవిలో స్వర్గాల ద్వారాలు

అందుకే రండి... నా ప్రపంచంలోకి.....