కమల విలాపానికి కారణం?

http://harivilu.blogspot.in/2015/11/blog-post_8.html

నేడు బుచ్చిబాబు గారి శతజయంతి

http://harivilu.blogspot.in/2015/11/blog-post_24.html?m=1

నా కొత్త బ్లాగు.............

చాలా రోజుల నుంచి  బ్లాగ్‌ ద్వారా నా జర్నలిజం అనుభవాలు, విశ్లేషణలు, ఆధ్యాత్మిక సంగతులు... ఇలా ఎన్నెన్నో పంచుకోవాలని కోరిక. దానికంటూ మరో బ్లాగ్‌ ప్రారంభించాను. నా మిత్రులంతా  ఆ బ్లాగును కూడా చూసి... నా అభిప్రాయాలను విశ్లేషిస్తారని ఆశిస్తున్నాను

బ్లాగ్‌ అడ్రస్‌

harivllu.blogspot.com

నువ్వొక రక్తాశ్రువు...

                           ఈ లోకంలోకి వస్తానని నువ్వనలేదు....

                           ఈ లోకం నుంచి వెళ్తాననీ నువ్వనలేదు.....

                           మనిషిని మనిషే పీక్కు తినే లోకంలో....

                           మతోన్మాదం మత్తెక్కిన కాలంలో

                                నువ్వొక రక్తాశ్రువు.......

                         ఉగ్రవాద ఉన్మాద హననంలో.....

                         మానవత్వం నశించిన మారణ హోమంలో.....

                         తుపాకీ చప్పుళ్ల మధ్య అనాగరిక నిశ్శబ్దంలో.....

                         తూట్లు పడిన పుడమి కన్నీటి సంద్రంలో....

                                 నవ్వొక రక్తాశ్రువు.......

                        నీ మతమేదో నీకే తెలియని వయసు.....

                        ఉగ్రవాదమన్న మాటే వినలేదు............

                       అమ్మ పరుగులు తీస్తే ఎందుకో అర్థం కాలేదు......

                       ఆడుకోడానికే అనుకున్నావో ఏమో.... బలైపోయావు.......

                                  నువ్వొక రక్తాశ్రువు.......

                       నిర్మల సాగరంలో వటపత్రశాయిలా.....

                       ఇసుక తిన్నెల్లో హాయిగా నిదురిస్తున్నావనుకున్నాను......

                       తిరిగిరాని లోకాలకు వెళ్లావా చిన్నారి నేస్తమా.......

                       ఉగ్రోన్మాద వికృత చేష్టకు సమిధవయ్యావా......

                       అవును.... నువ్వొక రక్తాశ్రువు

                       ఇప్పుడెక్కడున్నావు..........?

                       దేవుడే ఉంటే ఆ దేవుడి ఒడిలోకి చేరావా?

                       మానవత్వం కోసం లోకాలు వెతుకుతున్నావా ?

                       గుండెపగిలిన అమ్మ కన్నీటిగా మారావా ?

                       ఎక్కడున్నా.... మా గుండెల్లో ఎప్పటికీ

                              నువ్వొక రక్తాశ్రువు....

అందరికీ ఇదే ఆహ్వానం

నిన్నటి దారులకు రేపటి వంతెన వేశా

 నేడనే నీడతో బంధాలు పెనవేసి దారి చేశా

ఆశలతో ఊసులాడుతూ ప్రయాణిస్తున్నా

కనులు దాటి వస్తున్న కలలతో పరిగెడుతున్నా

సింధువులో బిందువెలెన్నో ముత్యాలై

నా దారిలో చేరి సుగంధ కుసుమాలై

రెక్కల సవ్వడి చేసుకుంటూ తుమ్మెదలై

నా జీవన పయనంలో వర్ణచిత్రమై కదిలాయి

అత్యాశా వాదినని నన్ను నిందించినా

ఊహాలోక విహారి అని విమర్శించినా

గమ్యం లేని సంచారివని నవ్వుకున్నా

ఆశను బతికించే వైద్యుడనని గర్విస్తున్నా

కథలా కదిలే నా జీవితంలో మలుపులు

సప్తసముద్రల కూడలిలా ఒంపులు

స్వప్నాల దీవిలో స్వర్గాల ద్వారాలు

అందుకే రండి... నా ప్రపంచంలోకి.....

ఓ జ్ఞాపకం...

ఏనాడో మనసులో మిగిలిన ఓ జ్ఞాపకం

దాదాపుగా మరుపు ఆవహించిన జ్ఞాపకం
కళ్లెదుట నిలిచి గుర్తుచేసిందా జ్ఞాపకం
కాలచక్రాన్ని ఓ పదారేళ్లు వెనక్కు నెట్టిందా జ్ఞాపకం

ఆనాడు తొలిచూపుని ఆకర్షించిన సౌందర్యం
మనసుని మెలిపెట్టి గిలిగింతలు పెట్టిన కోమలం
ప్రతిరోజూ వసంతమే ఆ వదనం
ప్రేమో, వ్యామోహమో.. మొత్తానికి ఓ అనుభవం

వెంటపడిన రోజులు.. క్షణక్షణం మధురం
చిరునవ్వుల బదుళ్లు... పెంచిన విరహం
క్షణమొగ యుగమయ్యే నిరీక్షణల్లో ఏదో మర్మం
యుగమొక క్షణమే ఆమె కనిపించిన తరుణం

ఇరువురికీ తెలియదే.. అది ప్రేమోఏమో
అడిగిన మరుక్షణం ఏదో భయం... కలవరం
నాటి నుంచి నేటి వరకు ఏమైందో ఆ సౌందర్యం
మళ్లీ... కనిపించి మనసుని మెరిపించింది ఆ జ్ఞాపకం

చిరునవ్వులే పలకరింపుగా స్వగతం
కనుచూపులే పరిచయాల ఆలింగనం
చెరో జీవితం.. పక్కనే పేగు బంధం.. 

ఆనాడు ప్రేమో ఏమో... నేడది కచ్చితంగా స్నేహం

జ్ఞాపకాల దొంతరల్లో తిరిగిన కాలచక్రం
ఆనుభవాల ఇరుసుల మీద ఆగని ప్రయాణం
ప్రతి మనసులో ఓ అందమైన  అనుభవం
విజయమో, వైఫల్యమో... అదో తీయని జ్ఞాపకం

‍